شمس ونجوم

قريت تدوينات للمستجدات ومع اول يوم لهم في الجامعة ، ف قلت وش زودي اعوض ماكان في ايامي تدوين :)

انا اول يوم اوبالاصح اول سمستر كان بدون صديقاتي ،

المزيد…

haya مذكرات اول يوم ،بدايات

باقي أيام وتكمل مدونتي سنه ، حتي بدت تمشي الحين :)

مرت بسرعه الايام كنت احسب لي ستة اشهر بعدين تذكرت التاريخ

كل عام وانا واياكم ومدونتي وشسمه من جاب طاري الخمسة الاف ؟؟يالله والخمسة الاف بخير

المزيد…

haya مذكرات تدوين ،فيسبوك

رحم الله والدي وجميع موت المسلمين

هذا تاسع رمضان بدونه ،يالله !! الايام تمشي بسرعه ..

قريت هالايام مقولة “يظل الرجل طفلا حتي تموت أمه، فاذا ماتت شاخ فجأة ” فكرت فيها هل يعني بالمقابل المرأة اذا مات والدها تشيخ فجأة؟؟

ماادري ..بس اللي اعرفه ان حرقة الفقد قوية جدا ماتروح مع الايام ابدا ..

لكن الشي اللي يهونها اننا مسلمين ونأمل باذن الله ان يجمعنا الله بمن فقدناهم في جنات النعيم وأن ياجرنا ربي علي صبرنا ..

يارب تحفظ لي والدتي وتمد في عمرها علي طاعتك ..وان يحفظ لقراء مدونتي والديهم

haya مذكرات فقد،والدين

انا ناويتها صغيرة بس يمكن تكبر :)

** اعترف اني فاشلة في مايسمي النفاق الاجتماعي

**استهلكت ال الان ربع المساحة المخصصة لي هنا ..اعتقد لوبكتب اللي في نفسي هالايام كان صار اوفر كاباسيتي :)

**ياشين الناس المتقلبين اللي لهم مية رأي ع نفس الموضوع ،ماتعرف وشلون تتعامل معهم

**يارب في هالعشر المباركة ان تشرح لي صدري وتيسر لي أمري.

**ناس يحسبون الدنيا علي كيفهم والاوادم بعد علي كيفهم

**اذا كنت في كل الامور معاتبا صديقك لم تجد الذي تصاحبه ؟؟طيب هم ليش ف كل الامور يزعلون ؟؟

نهاية الحلطمات

يارب اهدنا ويسر الهدي لنا ولاتجعل في قلوبنا غلا للذين امنوا وتب علينا يا ارحم الراحمين

كتبته هيا رضي الله عنها ومازالت حلطمات صعب البوح بها في نفسها :(

haya مذكرات فش خلق،عفو،صداقة

انا احب رمضان

واحب نفسي

وأحب مكتبي <<الله لايغير علي

وأحب السهر وبعده النوم طبعا

لكن هالاربعة اشياء اذا اجتمعت مع بعض ضايقتني

مشكلتي في رمضان والدوام نومي ينحاس ماادري متى انام

اذا رجعت من المكتب انام لي نص ساعة وبعد المغرب انام شوي وبعد صلاة الفجر انام اربع ساعات ..

اليوم 9 رمضان احس خلاص راسي بدأ يرسل اشارات وذبذبات مدري وش تعني لكن شكلها اجراس انذار

وكله كوم وهالويكند اللي تحوسنا وتغير ترتيبنا لو يجمعونها لنا ويعطوناها باخر رمضان كان احسن :)

استقبل اقتراحاتكم للنوم وترتيب الوقت والا اخذ اجازة وارتاح واريحكم:)

haya عام رمضان،دوام

كل عام وانا وانتم بخير

كل عام والجامعة ومكتبنا وصديقاتي وكل محلات الايس كريم بخير <<مالهم دخل بس ودي بايسكريم الحين:)

الله يعينا على صيام الشهر وقيامه ويوفقنا واياكم فيه للاعمال الخيره يارب

haya عام رمضان،صوم